Բարի գալուստ «Իրավաբանական խորհրդատվական խումբ» իրավաբանական  և բիզնես խորհրդատվական ընկերության պաշտոնական կայք։

Մեր ընկերությունը հիմնադրվել է 2012 թվականին և այդ պահից ի վեր մատուցում է իրավաբանական ծառայություններ իրավունքի բոլոր բնագավառներում։ Մեր թիմը կազմված է երկար տարիների մասնագիտական փորձ ունեցող իրավաբաններից, որոնց մեծ մասը արտոնագրված փաստաբաններ են, ՀՀ փաստաբանների պալատի անդամներ։

Ընկերությունը մատուցում է իրավաբանական ծառայություններ հայերեն, ռուսերեն, անգլերեն և ֆրանսերեն լեզուներով:

Չնայած գործի բարդությանը՝ մենք միշտ փնտրում և գտնում ենք մեր հաճախորդների խնդիրների կարգավորման լավագույն տարբերակները։ Անկախ դրանից նախապատվությունը տալիս ենք վեճերը հաշտությամբ կարգավորելուն:

Մեր ընկերությունն իր գործունեությունը ծավալում է Հայաստանում։ Միաժամանակ ակտիվորեն համագործակցում է Ռուսաստանի Դաշնության, Վրաստանի Հանրապետության, Անգլիայի, Ֆրանսիայի, Գերմանիայի, ԱՄՆ-ի, Բելառուսի, Ղազախստանի, Ուկրաինայի և Իսպանիայի իրավաբանական հեղինակավոր ընկերությունների հետ։ Այս ամենը մեզ թույլ է տալիս տրամադրելու լիարժեք իրավաբանական խորհրդատվություն հաճախորդներին, ովքեր իրենց գործունեությունը ծավալում են ոչ միայն Հայաստանում, այլ նաև արտերկրում:

Պետության ստանձնած՝ յուրաքանչյուր անձին իրավաբանական օգնություն ցուցաբերելու պոզիտիվ պարտականությունը փոքր ինչ թեթևացնելու ելնելով՝ մեր ընկերությունը ստանձնել է սոցիալական գործառույթ՝ մատուցելով անվճար իրավաբանական խորհրդատվություն անվճարունակ ֆիզիկական անձանց։

Պետական և մասնավոր հիմնարկների գործունեությունը ՀՀ օրենսդրությանը համապատասխանեցնելու, ինչպես նաև այլ նպատակներով «Իրավաբանական խորհրդատվական խումբ» ընկերությունը կազմակերպում և անցկացնում է դասընթացներ և վերապատրաստումներ իրավունքի տարբեր ոլորտներում:

Ուրախ ենք տեղեկացնելու, որ 2018 թվականից Ընկերության թիմը համալրվել է նաև ֆինանսական վերլուծաբաններով, ովքեր ունեն երկար տարիների փորձ և համագործակցել են այդ ոլորտի հեղինակավոր ընկերությունների հետ։

Հարգելի ներդրողներ, համոզված ենք, որ Հայաստանում ստեղծված բարենպաստ ներդրումային պայմանները և մեր ընկերության որակյալ իրավաբանական և ֆինանսական վերլուծական ուղեկցությունը կապահովեն Ձեր բիզնեսի ապահով և արդյունավետ զարգացումը։